Orvesen Tiv yange mar Ichongo man Ipusu.

Onov mban hurugh mar kwe u on ugen er Ihyalev man shi onov mba genev.

Tsombol u Tiv zahemen u ngeen.

Tiv mba tsombol mom vea ior Bantu.

Bantu kwa kwe ior u u lu sha ityar er South Africa, Zimbabwe, Uganda, Tanzania, Democratic Republic of Congo man ityar i gen kpaa.

Tiv ve due ken mom ken ityar nen ve va nyor Congo ve nyor Cameroon man ve mase nyoron Nigeria ye.

Tiv nyor Nigeria lu er shie u anyom 1500 ar 1600 nahan.

Ken 1700 yo Tiv tema vindi vindi hen Benue.

Kpa chir u ve tema yo ve tagher a Ior mba ve vande lu hen Benue yo. Ve yo lu Etulo, Abakpa, Idoma, Jukun, Nyifon man mba gen.

Tiv zenda mba ve nger kpishi man shi ve hendan kwagh a ve la er Jukun man Idoma nahan.

Mba ve nger kpishi ga shi ve hendan kwagh a Tiv ga la yo Tiv de ve er ve tema a ve imongo, er Etulo man Abakwa nahan.

Ken 1804 Tiv hemba Fulani sha hemen u tor ve u atsonka Usman Dan Fodio man kurutya ve Damkor (Dan Kari) sha uwo u Ushongo

Buter mba ken Britain yange nyor hen tar Tiv, ngohol tar Tiv hingir sha ikyev ve ken inyom i 1907

Yange ve ver tashan shin Abinsi man Katsina-Ala.

Makeranta hii hen tar Tiv sha Sai, enier u Katsina-Ala ken inyom i 1911

Ken inyom i 1927 i venda yamshe ken tar Tiv

Tiv hii kem kwase sha inyar ken inyom i 1927

Angev mbu agina nyor tar Tiv ken inyom i 1932

I bee tsar u ifi shin Makurdi ken inyom i 1932

Tiv yem kwaza u dughun sha Jos ken inyom i 1933

Wan tor England va tar Tiv ken inyom i 1955

I maa iyou i sha Aondo i hii-hii hen tar Tiv lu hen eneir u Kwande ken inyom i 1963

I er atemtyo man songu songu hen tar Tiv ken inyom i 1964

I gema bibilo ken zwa Tiv ken inyom i 1964

Col. Joseph akaahan Agbo, or Tiv u hii-hii u zuan a Chief of army Staff kpe sha igirgi i shoji ken inyom I 1968

I bee tsar u ifi hen Katsina-Ala ken inyom i 1979

I mar Joseph Saawuan Tarka ken inyom i 1932, a gema saa ku ken inyom i 1980

Paul Unongo lu or Tiv u hii-hii u tesen ken univasiti ken inyom i 1968

Or Tiv u hii hii u zuan a professor ka professor Iorbee Tseayol ken inyom i 1976

Or Tiv u hii hii u lun Chief Justice hen tar u Nigeria ka Aloysius Katsina-Alu.

Professor Ignatius Ayua lu or Tiv u hii hii u zuan SAN (Senior Advocate of Nigeria).

Or Tiv u hii hii u lun Speaker Iyou idyu i kiriki lu Benjmain Chaha ken inyom i 1983

Capt. Asen Ahura lu or Tiv u hii hii u nahan igirgi i sha ahumbe

Gen. Victor Malu lu or Tiv u hii hii u zuan Lt. General

Or Tiv u hii hii u lun Ambassador ka Dennis Ukume

Dr Paul Orhii lu or Tiv u hii hii u lun NAFDAC DG

Chief Kezieh Gundu lu kwase Tiv u hii hii u lun Director, Nigeria Hotels ken inyom i 1980

Ayua Num lu or Tiv u hii hii u lun Torshua u iyou idyu i ken Benue ken inyom i 1976

Or Tiv u hii hii u lun Minster ka Elizabeth Afadzwana Ivase ken inyom I 1982

RCM bugh Diocese u Makurdi ken inyom i 1960

Bishop Athanasius Atule Usuh lu or Tiv u hii hii u lun Bishop u Makurdi Dioceses ken inyom i 1988

Maj. Gideon Gwaza Orkaa yange er ker gbenda u ngohol hemen u tar u Nigeria ken inyom i 1990

Prof. Daniel Saror lu or Tiv u hii-hii u lun vice Chancellor (VC) ken inyom I 1991

Dr Iyorchia Ayu lu or Tiv u hii hii u lun Senate President u Nigeria ken inyom i 1992

Kwase Tiv u hii hii u lun speaker iyou idyu i Benue ka Margaret Icheen ken inyom i 1999